Projekti GRUA, i mbeshtetur nga GADC, vleresohet me GRB Impact Award per Buxhetimin e Pergjigjshem Gjinor

Projekti “GRUA – Veprimi i Perbashket per Buxhetimin Gjinor”, i zbatuar nga CELIM Shqiperi me mbeshtetjen financiare te Qendres “Aleanca Gjinore per Zhvillim” (GADC), u vleresua me cmimin GRB Impact Award gjate Takimit Vjetor te Gender Budget Watchdog Network (GBWN) dhe GRB Community of Practice, te zhvilluar ne Oher, Maqedonia e Veriut, me 24–27 gusht 2026.

Ky cmim vlereson iniciativat qe demonstrojne se si Buxhetimi i Pergjigjshem Gjinor mund te kontribuoje ne avancimin e barazise gjinore, permiresimin e perdorimit te fondeve publike dhe forcimin e transparences dhe llogaridhenies institucionale.

I zbatuar ne bashkepunim me Bashkine Memaliaj, projekti GRUA u fokusua ne integrimin e perspektives gjinore ne planifikimin dhe buxhetimin vendor, vecanerisht ne financimin e masave per adresimin e ndryshimeve klimatike dhe mbrojtjen e mjedisit.

Ne kuader te projektit, CELIM Shqiperi hartoi nje Raport Watchdog mbi Buxhetimin e Pergjigjshem Gjinor ne Financimin e Klimës dhe Mjedisit ne Bashkine Memaliaj, i cili identifikoi sfidat dhe mundesite per permiresimin e transparences buxhetore, perdorimin e te dhenave te ndara sipas gjinise dhe perfshirjen e perspektives gjinore ne investimet vendore.

Gjithashtu, u organizuan sesione trajnimi me stafin e Bashkise Memaliaj, te fokusuara ne zbatimin praktik te Buxhetimit te Pergjigjshem Gjinor, mbledhjen dhe analizimin e te dhenave, si dhe perdorimin e mjeteve per planifikimin e financimeve qe lidhen me ndryshimet klimatike.

Vleresimi me GRB Impact Award perben nje arritje te rendesishme per CELIM Shqiperi dhe nje rezultat pozitiv te mbeshtetjes se GADC ndaj organizatave vendore, duke nxjerre ne pah rendesine e bashkepunimit ndermjet shoqerise civile dhe institucioneve publike per promovimin e politikave dhe buxheteve me gjitheperfshirese.

Projekti GRUA u mbeshtet financiarisht nga GADC ne kuader te projektit “Forcimi i Transparences dhe Llogaridhenies per Barazine Gjinore ne Ballkanin Perendimor dhe Moldavi (Gender Budget Watchdog Network – Faza II)”, i zbatuar me mbeshtetjen financiare te Agjencise Austriake per Zhvillim (ADA) dhe Agjencise Suedeze per Bashkepunim Nderkombetar per Zhvillim (Sida).