KONFERENCË KOMBËTARE: “Transparenca dhe Përgjegjësia në Nivel Vendor - Vlerësimi i Proceseve të Konsultimit Publik”

Rrjeti “Përballja e Ofertave Politike” (POP) ka kënaqësinë t’ju ftojë në konferencën kombëtare për prezantimin e raportit krahasimor mbi zbatimin e ligjit të konsultimit publik nga pushteti vendor në 10 bashki1 të Shqipërisë. Ky aktivitet organizohet në kuadër të projektit “Rrjeti POP për Qeverisje të Mirë dhe Integritet,” i cili mbështetet nga Qendra Ndërkombëtare Olof Palme dhe Qeveria Suedeze.

Data: 19 Nëntor 2024
Ora: 10:30 - 14:00
Vendi: VH Premier AS Hotel, Tirana https://maps.app.goo.gl/eCd5QUdDfu1oUy2z8

Ky studim vlerëson transparencën dhe përgjegjësinë e pushtetit vendor në Shqipëri përmes zbatimit të ligjit për njoftimin dhe konsultimin publik, duke synuar rritjen e pjesëmarrjes qytetare dhe përmirësimin e qeverisjes vendore.

Rrjeti POP ka monitoruar dhjetë bashki gjatë shtator 2023 – maj 2024, duke analizuar efektivitetin e procedurave të konsultimit publik dhe publikimet zyrtare. Rezultatet tregojnë progresin dhe sfidat e bashkive në zbatimin e konsultimeve publike, si dhe ofrojnë rekomandime për rritjen e transparencës, përfshirjes qytetare dhe bashkëpunimit me institucionet lokale.

Ju lutem konfirmoni pjesëmarrjen tuaj deri në datë 15 nëntor 2024 në adresën [email protected] ose në numrin e telefonit: 0696120169