Activities
Pre-Incubation në Pogradec: Nxitja e Start-up-ve dhe Zhvillimi Profesional i të Rinjve
Në datën 15 dhjetor 2023, ishim në qytetin e Pogradecit, ku një grup energjik vajzash morën pjesë në një trajnim të organizuar nga GADC (Qendra Aleanca Gjinore për Zhvillim). Ky trajnim u mbajt në kuadër të projektit "Leaving the past behind: Building Resilience to violent extremism through support and education," i cili drejtohet nga Linja e Këshillimit për Gratë dhe Vajzat (CLWG) dhe financohet nga Global Community Engagement and Resilience Fund (GCERF).
Qëllimi i këtij takimi ishte nxitja e iniciativave dhe zhvillimi i aftësive profesionale në fushën e start-up-ve, duke ofruar një perspektivë të qartë për shfrytëzimin e mundësive të biznesit. Pjesëmarrësit u njohën me thelbin dhe qëllimin e takimit, i cili përqendrohej gjithashtu në vlerësimin e situatës së tanishme në arsim, nivelin e punësimit dhe aftësitë profesionale të të rinjve.
Gjatë trajnimit, pjesëmarrësit moren informacion të rëndësishëm lidhur me programin e Garancisë Rinore të drejtuar nga Agjensia Kombëtare e Punësimit. Ato patën mundësinë për të thelluar njohuritë dhe për tu angazhuar aktivisht në këtë program, duke shtuar vlerë në zhvillimin e tyre personal dhe profesional.
Ky trajnim në Pogradec gjithashtu u fokusua në rëndësinë e përkushtimit ndaj zhvillimit të inovacionit dhe start-up-ve, duke theksuar se kjo nisje pozitive do të kontribuojë në përmirësimin e situatës ekonomike dhe profesionale të të rinjve në qytetin e Pogradecit.
Duke ndjekur rrugën e aktiviteteve të ngjashme me trajnimet e mëparshme në Shkodër dhe Elbasan, ky aktivitet në Pogradec synon të ndihmojë të rinjtë të krijojnë biznese inovative dhe të kontribuojë në përmirësimin e shoqërisë, duke luftuar kundër ekstremizmit të dhunshëm.