Activities
Lufta kundër Ekstremizmit të Dhunshëm: Ndikimi Pozitiv i Trajnimeve të GADC në Elbasan
Në datën 14 dhjetor 2023, një grup i përbërë nga të rinj të papunë si dhe të sapo punësuar, mori pjesë në trajnimin e rradhës të organizuar nga GADC në Elbasan. Qëllimi i këtij takimi ishte nxitja e iniciativave dhe zhvillimi i aftësive profesionale në fushën e start-up-ve.
Pjesëmarrësit janë njohur me thelbin dhe qëllimin e takimit, i cili ishte edhe i përqendruar në vlerësimin e situatës së tanishme në arsim, nivelin e punësimit dhe aftësitë profesionale të të rinjve si edhe kontributin e te gjitheve kunder ekstremizmit te dhunshem. Ndekohe qe qëllimi kryesor ishte prezantimi i programit "Pre-Incubation" dhe ofrimi i një perspektive të qartë për shfrytëzimin e mundësive të biznesit. Gjithashtu, pjesëmarrësit moren informacion të rëndësishëm lidhur me programin e Garancisë Rinore të drejtuar nga Agjensia Kombëtare e Punësimit, duke i dhënë atyre mundësinë për të thelluar njohuritë dhe per tu angazhuar aktivisht në këtë program.
Një moment mjaft i mire ishte edhe ndarja e përvojës nga një prej pjesëmarrësve, një vajze e suksesshme e një biznesi me prodhime artizanale. Ajo ka ndarë me kolegët rrugën e saj drejt suksesit dhe zgjerimit të veprimtarisë prodhuese bazuar ne pre-inkubim.
Përtej të gjithave, rëndësia e përkushtimit ndaj zhvillimit të inovacionit dhe start-up-ve është theksuar gjatë gjithë takimit. Kjo nisje pozitive do të kontribuojë në përmirësimin e situatës ekonomike dhe profesionale të të rinjve në Elbasan. Ky takim shërben si një hap i parë drejt një rrugëtimi pozitiv për zhvillimin e komunitetit dhe krijimin e një mjedisi të sigurt, duke kontribuar gjithashtu në luftën kundër ekstremizmit të dhunshëm.
Ky trajnim është realizuar në kuadër të projektit "Leaving the past behind: Building Resilience to violent extremism through support and education." Me zhvillimin nga Qendra Aleanca Gjinore për Zhvillim (GADC), këtë program e drejton Linja e Këshillimit për Gratë dhe Vajzat (CLWG) dhe financohet nga Global Community Engagement and Resilience Fund (GCERF).