Trajnim me gra sipërmarrëse në Vaqarr

19.07.2023 Qendra Aleanca Gjinore për Zhvillim po zbaton projektin "Fuqizimi Ekonomik i Grave dhe Perspektiva Gjinore në Zinxhirin e Vlerave të Biznesit", përmes të cilit synon të adresojë çështjet e barazisë gjinore dhe fuqizimit ekonomik të grave sipërmarrëse në kontekstin e pandemisë COVID-19 dhe ndryshimeve klimatike. Projekti mbështetet nga Gender Equity and Equality Action (GEEA) i Departamentit të Shtetit dhe Ambasada e SHBA në Tiranë.

Ky projekt po zhvillohet me qëllimin për të përmirësuar qasjen e grave sipërmarrëse në tregun e biznesit, për t'i fuqizuar ato dhe për të reduktuar pasiguritë që përjetojnë në zhvillimin e biznesit të tyre. Në këtë kuadër, po zhvillojmë një seri trajnimesh me gra sipërmarrëse në njësi të ndryshme administrative të Tiranës.

Trajnimi i radhës ishte më 19.07.2023 në Vaqarr, ku gratë morën njohuri mbi aksesin financiar, buxhetimin, produktet bankare, zinxhirin e vlerave dhe produktet e sigurimeve. Gjithashtu, atyre iu ofrua informacion dhe udhëzime për t’i ndihmuar të marrin vendime të informuara dhe të tejkalojnë pengesat në zhvillimin e biznesit.