E Premtja feministe!

Qendra Aleanca Gjinore për Zhvillim organizoi një takim me studentë të Fakulteti i Shkencave Sociale Departamenti i Filozofisë me pjesëmarrjen e Dr. Aida Goga, përgjegjëse e Departamentit të Filozofisë prane këtij Fakulteti dhe Dr. Majlinda Keta.

Ky takim u realizua në një diskutim të hapur me studentët, pasi znj. Mirela Arqimandriti prezantoi Bibliotekën e Studimeve Gjinore të GADC, një ambjent i cili mban mbi 2500 tituj librash të kataloguar, në gjinitë feminizëm, filozofi, bioetikë, letërsi etj.

Në fund të eventit u nënshkrua marrëveshja e bashkëpunimit mes Fakultetit të Shkencave Sociale (Departamenti i Filozofisë) dhe Qendrës Aleanca Gjinore për Zhvillim.

Kjo marrëveshje synon ngritjen dhe zhvillimin e mëtejshëm të njohurive profesionale dhe ndërlidhjen e mësimit akademik me punën praktike për studentët që ndjekin studimet Bachelor në Filozofi dhe Master Shkencor në “Etikën në Institucione dhe Lidership” dhe “Filozofinë Sociale.”